«Заманауи білім - тиімді әдіс пен ұлттық құндылықтардың көрінісі» тақырыбында облыстық семинар өтті.

«Абай облысы білім басқармасы» ММ «Облыстық инновациялық-әдістемелік орталығы» КММ-нің іс-шаралар жоспарына сәйкес 2025 жылғы 26 ақпан күні «Әлихан Бөкейхан атындағы №39 жалпы орта білім беретін мектебі» коммуналдық мемлекеттік мекемесінде нысаналы мектеп педагогтері мен жаратылыстану-математика  бағытындағы пән  мұғалімдеріне арналған «Заманауи білім - тиімді әдіс пен ұлттық  құндылықтардың көрінісі»  тақырыбында облыстық  семинар  өтті.
Семинардың мақсаты: білім берудегі құндылыққа негізделген заманауи әдіс-тәсілдердің жаратылыстану-математикалық пәндер бойынша қолданылу ерекшеліктерін талдау, педагогтерді ғылыми-әдістемелік қолдау арқылы өзара іс-тәжірибе алмасу, кәсіби құзіреттіліктерін дамыту. Семинар барысында  аталмыш мектеп мұғалімдері ұлттық құндылықтарды оқу пәндеріне кіріктірудің тиімді жолдары мен білім сапасын арттыруда инновациялық педагогикалық оқыту технологияларын  қолданудың ұтымды әдіс-тәсілдерін  ұсынды.
Семинардың  тиімділігі мен мазмұндылығы  семинарға қатысушылардың кері байланыс барысында бағаланды.  Өткізілген барлық іс-шаралар өте жоғары деңгейде өтті.